Aqsýdaǵy jalǵan qurylys pen qaǵaz júzindegi ınternet úshin 560 mln teńge jumsalǵan
PAVLODAR. KAZINFORM — Prokýrorlar laýazymdy tulǵalardyń memleketke jarty mıllıard teńgeden astam zalal keltirgen sybaılas jemqorlyq shemalaryn áshkereledi.
— Aqparattandyrýdy damytý óńirlik ortalyǵyna júrgizilgen tekserý barysynda jetkizýshilerge naqty kórsetilmegen qyzmetter úshin bıýdjet qarajaty esebinen 110 mln teńge zańsyz tólengeni anyqtaldy.
Atap aıtqanda, aýyldyq jerlerde qoǵamdyq ınternetke qosylý men jer jáne sáýlet salalaryndaǵy protsesterdi tsıfrlandyrý tek «qaǵaz júzinde» júzege asyrylǵan.
Áleýmettik turǵyn úı qurylysy aıasynda Aqsý qalasynda joq taýarlar men jumys úshin merdigerge 450 mln teńge tóleýge múmkindik bergen qylmystyq aıla-sharǵylar áshkerelendi. Saldarynan qurylys uzaqqa sozylyp ketken, — delingen Pavlodar oblysy prokýratýrasynyń habarlamasynda.
Memleket múddesine qarsy jasalǵan qylmystyq quqyq buzýshylyqtardyń mańyzdylyǵyn eskere otyryp, tergeýdi arnaıy prokýrorlar júrgizilip jatyr.
Qylmystyq-protsestik kodeksiniń 201-babyna sáıkes ózge aqparat jarııalaýǵa jatpaıdy.
Aıta ketelik Tarazda 147 muǵalimniń eńbek quqyǵy buzylǵany anyqtalyp, ótemaqy tólengen edi.