Aqsýda jyldar boıy oqýshy qyzdardy zorlap kelgen pedofıl ómir boıyna sottaldy
AQSÝ. QazAqparat – Pavlodar oblysynda kámeletke tolmaǵan qyz balalardy birneshe jyl boıy zorlap kelgen aıyptalýshyǵa qatysty sot úkimi shyqty, dep habarlaıdy QazAqparat tilshisi.
Qylmystyq is Pavlodar oblystyq qylmystyq ister jónindegi mamandandyrylǵan aýdanaralyq sotynda qaralǵan.
Alqa bılerdiń qatysýymen ótken sotta aıyptalýshyǵa Qylmystyq kodekstiń birneshe baby (120, 121, 296, 287 baptarynyń bólikteri) boıynsha aıyp taǵylǵan.
«Sot barysynda J. atty azamattyń 2016 jylǵy 26 naýryz ben 2020 jylǵy 4 qańtar aralyǵynda kámeletke tolmaǵan qyzdardy zorlaǵany anyqtalǵan. Sonymen qatar kámeletke tolmaǵan úsh qyzǵa seksýaldy sıpattaǵy zorlyq áreketin jasaǵan. Onyń úıin tintý barysynda qarý men esirtki tabylǵan» delingen Pavlodar oblystyq qylmystyq ister jónindegi mamandandyrylǵan aýdanaralyq soty baspasóz qyzmetiniń habarlamasynda.
Sot otyrysynda taǵylǵan aıyp boıynsha epızodtarda J-nyń kinási dáleldendi.
Ol ómir boıyna bas bostandyǵynan aıyryldy.
Úkim zańdy kúshine engen joq.
