Aqsýda joǵalyp ketken eki oqýshy aman-esen tabyldy
ASTANA. QazAqparat - Pavlodar oblysynyń Aqsý qalasynda sabaqtan úıine qaıtpaǵan 6 synyptyń eki oqýshysy bir kúnnen keıin tańǵy saǵat tórtte tabyldy, dep habarlaıdy pavlodarnews.kz.
«Keshke saǵat 20-da Aqsý qalasynyń ІІB-ne balalardyń ata-analary kelip, oqýshylardyń áli sabaqtan kelmegenin aıtqan. Osydan bir kún buryn úıge kesh kelgenderi úshin jetkinshekterdiń ekeýi de jazalanǵan. Joǵalǵan oqýshylardy 30-ǵa jýyq jergilikti polıtsııa qyzmetkerleri izdep, olar tańǵy saǵat tórtte qalanyń shetindegi munaı bazasynyń mańynda tabyldy», - dep habarlaıdy oblystyq ІІD baspasóz qyzmeti.
№7 mektep dırektory Gúlsim Baısovanyń aıtýynsha, oqýshylar tústen keıin oqıdy. «Balalardyń bireýi keshe sabaqta boldy, al ekinshisi qaryndasyn mektepke ákelip, ózi kirmeı ketken. Sabaq aıaqtalysymen oqýshylar kezdesip, birge ketipti. Jalpy, ekeýiniń de sabaq úlgerimi jaman emes, jaqsy otbasynan shyqqan», - dedi mektep dırektory.
