Aqsýda tótenshe jaǵdaı rejimi jarııalandy

Bul týraly  Pavlodar oblystyq TJD tótenshe jaǵdaılardyń aldyn alý bóliminiń bastyǵy Sergeı  Sytnık aıtty, dep habarlaıdy pavlodarnews.kz.

«11-12 qańtar kúnderi aýa raıyna baılanysty bir ǵana qaýipti qubylys tirkeldi», - deıdi Sergeı  Sytnık. - Keıbir aýdandarda  jeldiń jyldamdyǵy  sekýndyna 39 metrge jetti. Bul baǵytta qalypqa keltirý jumystary jalǵasýda. Keshe departamentke Aqsý qalasy boıynsha tótenshe jaǵdaı jóninde ákimdiktiń qol qoıylǵan sheshimi tústi. Búgingi tańda bul habarlandyrý ádilet organdaryna tirkeý úshin jiberildi. Tirkeýden keıin naqty qajet somanyń kólemi anyqtalady. Sebebi  zaqym kelgen ǵımarattardyń bir bóligi  jeke tulǵalardyń jeke nemese demeýshilik qarjy esebinen qalypqa keltirilgen».

 Bólim basshysynyń aıtýynsha,  osy habarlandyrýdan keıin naqty jumystar atqarylady. Úsh ǵımaratqa baǵalaý júrgizilgen soń qalalyq bıýdjettiń esebinen jóndeledi. Eger de  mundaı soma qalalyq bıýdjettiń rezervinde bolmasa, oblystyq bıýdjetke ótinish jiberiledi. Bul - bilim berý jáne mádenıet nysandary.