Aqsýda polıtsııa kapıtany mas kúıinde birneshe kólikti soqqan - Pavlodar oblysy
ASTANA. QazAqparat - Aqsý qalasynda polıtsııa kapıtany Maqsat Aıtqazın alkogoldik mas kúıinde «Toıota-Kamrı» temir tulparymen avtokólik turatyn orynda birneshe kólikti soqqan, dep habarlaıdy pavlodarnews.kz .
Oblystyq ІІD baspasóz qyzmetiniń málimetinshe, atalmysh fakti boıynsha sotqa deıingi tergeý júrgizilýde. Bul oqıǵa tártip saqshysy kezekti eńbek demalysynda júrgen kezinde oryn alǵan. Oqıǵa saldarynan eshkim zardap shekpegen.
"Polıtsııa qyzmetkerin ishki ister organynan osy bir áreketi úshin jumystan shyǵarý qarastyrylýda. Ol quqyq qorǵaý organynyń bedelin túsirgen. Sonymen qatar tikeleı bastyqtary da qatań tártiptik jaýapkershilikke tartylady. Polıtseılermen QR Ákimshilik quqyq buzýshylyq kodeksiniń 608-baby «mas kúıinde kólik quralyq basqarý saldarynan jol apatynyń oryn alýy» boıynsha ákimshilik hattama toltyryldy. Materıal sotqa jiberildi", - dedi departamentte.
Foto: Instagram Vpavlodare
