Aqsýda órt kezinde qaza tapqan qutqarýshynyń áıeline páter kilti tabystaldy

AQSÝ. QazAqparat - PP-12 bóliminiń komandıri Arystanbek Mashraptyń otbasy bir bólmeli páter men turmystyq tehnıka satyp alýǵa sertıfıkat aldy. Bul týraly Aqsý qalasy ákimdiginiń baspasóz qyzmeti málim etti, dep habarlaıdy QazAqparat Pavlodarnews.kz saıtyna silteme jasap.

Eske sala keteıik, 25 aqpanda kezekshilik kezinde azamattyq qorǵaý serjanty Arystanbek Mashrap órtti sóndirý kezinde qaza tapty. Onyń sońynda áıeli Bıbinur Qanıeva men ákesi, qaıtys bolǵan kúni nebári bir aıǵa tolǵan balasy Ázim qaldy.

- Qonys toıy kezinde «Nur-Ana álemi» qoǵamdyq birlestiginiń tóraıymy Rymkesh Slambekova shashý shashyp, Bıbinurǵa myqty, qaıratty bolýdy jáne ulyn óz Otanynyń laıyqty azamaty etip ósirýdi tiledi, - delingen habarlamada.

Oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń bastyǵy Súleımen Bımaǵambetov qutqarýshynyń otbasyna kórsetken kómegi úshin Aqsý qalasynyń ákimdigine rızashylyǵyn bildirdi.