Aqsýda muǵalimge aqysyz demalys bermegen dırektor jazalandy
ASTANA. KAZINFORM — Prokýrorlar Eńbek kodeksin buzǵany úshin laýazymdy tulǵalardy jazalady, dep habarlaıdy Jetisý oblysynyń prokýratýrasy.
Jetisý oblysynyń prokýratýrasy «Zań jáne Tártip» ıdeologııasyn bekitý aıasynda bilim berý mekemelerinde jumys isteıtin 2 myńnan astam muǵalim men qyzmetkerdiń buzylǵan konstıtýtsııalyq quqyqtaryn qalpyna keltirdi.
Tekserý barysynda Aqsý aýdanyndaǵy 35 orta mektepte Eńbek kodeksi talaptarynyń saqtalmaýy salasyndaǵy buzýshylyqtar anyqtaldy.
— Eńbek kodeksiniń 97-babynyń 3-bóligine sáıkes jumys berýshi qyzmetkerdiń ótinishinen keıin bes kúntizbelik kún ishinde aqysyz demalys berýi tıis dep kórsetilgen. Alaıda osy talaptarǵa qaramastan mektep dırektorlary qyzmetkerlerge mundaı demalysty berýden bas tartqan. Prokýrorlyq qadaǵalaý aktisi boıynsha muǵalimder men bilim berý mekemeleriniń basqa da qyzmetkerleriniń konstıtýtsııalyq quqyqtary qalpyna keltirildi. Kináli laýazymdy tulǵalar tártiptik jaýapkershilikke tartyldy, — delingen habarlamada.
Eske salsaq, buǵan deıin Atyraýda oqýshyǵa qol kótergen muǵalim ózge mektepke dırektor bolyp taǵaıyndalǵany belgili boldy.