Aqsýda qyzdy qaǵyp ketken mas júrgizýshi oqıǵa ornynan boı tasalaǵan
PAVLODAR. QazAqparat - Toyota Camry kóliginiń 23 jastaǵy júrgizýshisi ustaldy. Bul týraly aımaqtyq polıtsııa departamenti málim etti, dep habarlaıdy pavlodarnews.kz.
«Atalmysh oqıǵaǵa qatysty fakti tirkelgen. Júrgizýshi ustaldy. JKO kezinde ol mas kúıinde bolǵan. Qyz jaraqat alǵan, biraq aýrýhanaǵa jatqyzylmaǵan»,- dep naqtylady vedomstvodan.
QR ÁQBK 608-baby - júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý boıynsha ákimshilik is qozǵaldy. Qajetti protsedýralar júrgizilgennen keıin materıal sotqa joldanady.
