Aqsýda kópqabatty úıdiń shatyrynan sekirip ólmek bolǵan er adam qutqaryldy
AQSÝ. QazAqparat – Aqsý qalasynyń polıtseıleri kópqabatty úıdiń shatyrynan sekirýge oqtalǵan turǵyndy aman alyp qaldy, dep habarlaıdy QazAqparat.
«Oqıǵa ornyna polıtsııa kapıtany Erlan Işanov pen polıtsııa starshınasy Erlan Rahymberdın attandy. Olar kele salysymen bes qabattyń úıdiń shatyryna kóterilip, shatyrdyń shetinde turǵan er adamdy kóredi. Ol sekirýge oqtalyp turǵan edi», dep málim etti polıtseıler.
Qaıǵyly oqıǵanyń aldyn alý úshin Erlan Rahymberdın er adamdy áńgimege tartyp, onyń nazaryn ózine aýdardy. Ol osylaısha ýaqyt uttyrǵysy keldi, óıtkeni bul kezde kapıtan Erlan Işanov abaılap qana, bildirmeı álgi adamnyń artqy jaǵynan jaqyndap kele jatqan. Polıtseı tez arada ony shatyrdyń shetinen beri qaraı tartyp aldy.
Tártip saqshylary er adamdy tómenge túsirip, medıtsına qyzmetkerleriniń qolyna tapsyrdy.
Aıta keteıik, Erlan Işanov - 2002, al Erlan Rahymberdın - 2008 jyldan beri polıtsııada jumys isteıdi.
