Aqsýda kásiporyn basshysy dánekerleýshi sertıfıkatyn zańsyz bergeni úshin sottaldy
«Aqsý qalasyndaǵy kásiporyn basshysy «Elektr-gazben dánekerleýshi» mamandyǵy boıynsha oqýdan ótkeni týraly kýálik bergeni úshin kommertsııalyq satyp alý retinde zańsyz aqsha alǵan. Bul rette oqytý is júzinde júrgizilmeı, qujattar formaldy túrde resimdelgeni belgili boldy», delingen habarlamada.
Bul mamandyq qurylystan bastap munaı óndirýge deıin birqatar salalardyń negizinde jatqandyqtan, oqytýsyz sertıfıkat berý halyq úshin zor qaýip týdyrady.
Atalǵan faktini QR Qarjylyq monıtorıng agenttiginiń Pavlodar oblysy boıynsha Ekonomıkalyq tergeý departamenti qyzmetkerleri qyzmetkerleri anyqtady.
Aqsý qalalyq sotynyń úkimimen uıym basshysy kináli dep tanylyp, oǵan oqytý-bilim berý qyzmetimen baılanysty kommertsııalyq uıymdarda basshy laýazymdardy atqarý quqyǵynan 2 jylǵa aıyra otyryp, 1 jyl 6 aı merzimge bas bostandyǵyn shekteý jazasy taǵaıyndaldy.