Aqsýda qarttar úıi órtendi

PAVLODAR. QazAqparat - Aqsýda qarttar úıinen órt shyǵyp, bir adam zardap shekti7 Oqıǵa ornynda jeke quramnan 12 adam men 4 tehnıka jumys istedi, dep habarlaıdy QazAqparat Ravlodarnews.kz saıtyna silteme jasap.

Oblystyq TJD baspasóz qyzmetiniń málimetinshe, 23 qyrkúıekte saǵat 18.39-da Naberejnaıa kóshesi, 27 mekenjaıy boıynsha Pavlodar oblysy jumyspen qamtýdy úılestirý jáne áleýmettik baǵdarlamalar basqarmasyna qarasty Aqsý qalasynyń qarttar men múgedekterge arnalǵan jalpy úlgidegi arnaýly áleýmettik qyzmet kórsetý ortalyǵynda órt shyqqany týraly habarlama túsken.
- Ekinshi korpýstyń besinshi qabatynda № 14 palatada 2 sharshy metr alańda matrats byqsyp, qatty tútin paıda bolǵan. Órt sóndirýshiler baspaldaq marshy boıynsha 4-shi jáne 5-shi qabattardan 60 adamdy evakýatsııalady. Avtosaty qoldanyldy. Gaz-tútinnen qorǵaý qyzmetiniń býyny besinshi qabattaǵy palatanyń terezesine qurastyrylǵan qol oqpanyn berdi, - dedi departamentte.

Órt sóndirý bólimsheleri kelgenge deıin bólimshe qyzmetkerleri zardap shekken 1937 jyly týǵan er adamdy evakýatsııalady. Ol Aqsý qalasynyń ortalyq aýrýhanasyna jatqyzyldy.
Órt 19 saǵat 09 mınýtta sóndirildi.
Órttiń shyǵýyna tósekte temeki shegý sebep bolǵan.