Aqsýda kartop qytyrlaqtaryn shyǵaratyn zaýyt ashylady

PAVLODAR. KAZINFORM - Bul isti jergilikti kompanııalardyń biri qolǵa alady dep josparlanǵan. Kásiporyn iske qosylsa, jylyna 20 myń tonnaǵa deıin kartop qytyrlaqtaryn shyǵarýǵa bolady.

Aqsý qalasynda jylyna 20 myń tonna kartop qytyrlaǵyn shyǵaratyn zaýyt ashý josparlanyp otyr. 

«Bul jobany «Chips Asia» JShS júzege asyrady. Zaýyt 2025 jyly tapsyrylýy kerek. Qazirgi kúni jer telimi resimdelgen, tehnıkalyq sharttardy alý boıynsha jumystar júrgizilip jatyr. «Aqtoǵaı-Agro» JShS byltyr eksperıment retinde qytyrlaqtar óndirýge arnalǵan kartoptyń «Fontane» sortyn 500 gektarǵa egip, 9 myń tonnadaı ónim jınady. «Aqtoǵaı-Agro» - «Chips Asia» kompanııasy quryltaıshylarynyń biri»,-dep atap ótti óńirlik aýyl sharýashylyǵy basqarmasy basshysynyń orynbasary Sáýle Shúkirova.

Bıyl Ertis-Baıan óńirinde jalpy quny 50 mlrd teńgeden asatyn 35 ınvestıtsııalyq joba júzege asyp jatyr. Jyl sońyna deıin 5,1 myń bas sıyrǵa arnalǵan taýarly sút fermasy, 90 myń tonna ónim syıatyn 10 kókónis saqtaý qoımasy ashylady dep josparlanǵan. Budan bólek aldaǵy jyldary Sharbaqty aýdany men Aqsý qalasynda kúnbaǵys maıyn óńdeıtin kásiporyndar ashylady dep kútilip otyr.

Eske sala keteıik, buǵan deıin Reseıdiń arzan súti pavlodarlyq fermerlerdi shyǵynǵa ushyratqaly turǵany jaıynda jazǵan edik.