Aqsýda er adam sýǵa batyp ketti
PAVLODAR. QazAqparat – Aqsý qalasyna qarasty Eńbek aýylynyń mańyndaǵy Belaıa ózenine er adam batyp ketti, dep habarlaıdy Pavlodarnews.kz.
Oblystyq tótenshe jaǵdaılar departamentiniń málimetinshe, Eńbek aýylynyń mańyndaǵy Belaıa ózeniniń shomylýǵa ruqsat etilmegen aýmaǵynda 1999 jyly týǵan er adamnyń sýǵa batyp ketkeni anyqtalǵan. Osyǵan baılanysty Aqsý qalasynyń tótenshe jaǵdaılar bólimi qaýipsizdik erejelerin saqtaýdy eskertedi.
- Turǵyndardy jabdyqtalmaǵan jerlerge shomylmaýǵa, sýǵa spırttik ishimdik ishpeı, esirtki zattaryn paıdalanbaı túsýge, balalardy qaraýsyz qaldyrmaýǵa shaqyramyz.
Esińizde bolsyn, sizdiń ómirińiz ben balańyzdyń ómiri birinshi kezekte sizdiń qolyńyzda, - dep eske salady baspasóz baıandamasynda.
