Aqsýda er adam 12 jastaǵy qyzdy jynystyq qatynasqa túsýge májbúrlegen

Pavlodar oblysynda jasóspirim qyz zorlyq-zombylyqtyń qurbany boldy. Aqsý qalasynyń 26 jastaǵy turǵyny jasóspirimdi oraldyq jynystyq qatynasqa májbúrlep, ony mektep mańynda ańdyp júrgen. Qazir bul isti polıtseıler tekserip jatyr, kúdikti ustaldy, dep habarlaıdy Kazinform agenttiginiń tilshisi.

Er adam oqýshy qyzben áleýmettik jelide tanysqan. Ol balany oraldyq jynystyq qatynasqa túsýge májbúrlep, sodan keıin mektep janynda kútip júrip, qaıtalaýdy talap etken. Jasóspirim bolǵan jaıtty anasyna aıtyp, anasy polıtsııaǵa aryz jazdy.

Aqsý qalasynyń bilim bóliminde bul aqparatty rastady. Polıtseıler sotqa deıingi tergep-tekserý jumystary júrgizilip jatqanyn habarlady.

“Atalǵan fakti boıynsha QR Qylmystyq kodeksiniń 121-babynyń 4-bóligi boıynsha sotqa deıingi tergeý amaldary júrgizilýde. Kúdikti anyqtaldy. Ol Aqsý qalasynyń ýaqytsha ustaý abaqtysyna qamaldy. QR Qylmystyq-protsessýaldyq kodeksiniń 201-babyna sáıkes, ózge málimetter jarııa etýge jatpaıdy», - dep túsindirdi Pavlodar oblysynyń polıtsııa departamentinen.

Er adam 20 jylǵa deıin bas bostandyǵynan jáne belgili bir laýazymdardy atqarý quqyǵynan nemese ómir boıy bas bostandyǵynan aıyrylýy múmkin.