Aqsýda balabaqsha tárbıeshisi 3 jasar balaǵa qol kóterdi dep aıyptalýda
PAVLODAR. QazAqparat - Pavlodar oblysyna qarasty Aqsý qalasyndaǵy №20 balabaqshanyń tárbıeshisine toptaǵy 3 jasar eki balanyń daýlasýy kezinde qol kótergeni úshin kiná taǵylyp otyr, dep habarlaıdy QazAqparat tilshisi.
Japa shekken balanyń anasy óz shaǵymynda Aqsý qalasyndaǵy №20 balabaqshanyń 25 jastaǵy tárbıeshisi A. Tilekberdıeva oıynshyqqa talasqan eki balanyń arasyndaǵy kishigirim kıkiljińdi osyndaı jolmen sheshpekshi bolǵanyn jetkizdi. Eki balanyń biri tárbıeshiniń uly bolyp shyqqan.
Ananyń balasy Tatıana Mýkýsheva bul oqıǵa jaıynda A. Tilekberdıevadan bilgen. Tárbıeshi onyń uly basqa balalarǵa tynyshtyq bermeıtinin jáne eki uldy tistep alǵanyn jetkizgen. Mýkýshevanyń aıtýynsha, beınebaqylaý kameralarynan tárbıeshi ulyn basqa balalardan, onyń ishinde Mýkýshevanyń ulynan da qorǵaýǵa tyrysqany belgili bolǵan.
Balabaqsha qyzmetkerleri shaǵymdy rastap, tárbıeshi balalarmen jumys jasaýdan shettetilgenin aıtty. Ol jerde A. Tilekberdıeva dál osy mekemeniń kir jýý bólmesine aýystyrylǵanyn jetkizdi. Bilim basqarmasy atalmysh oqıǵa jaıynda balabaqsha dırektorynan emes, polıtsııadan estigen.
«Balabaqsha dırektoryna eskertý jasaldy. Oqıǵanyń mán-jaıy anyqtalǵan soń tártipke keltirý maqsatynda qosymsha sharalar qabyldanady. Tárbıeshi jaıynda aıtar bolsam, ol qyrkúıek aıynda dekrettik demalysqa ketedi. Ony birden jumystan shyǵaryp jibere almaımyz, sondyqtan sottyń sheshimin kútip otyrmyz», - dedi Aqsý qalasy Bilim bóliminiń ádiskeri Zara Ábdrahmanova.
Z. Ábdrahmanovanyń aıtýynsha, tárbıeshini kináli dep moıyndaǵan jaǵdaıda, ol bilim nysandarynda balalarmen jumys jasaý quqyǵynan aıyrylatyn bolady.
