Aqsýda bala joǵaldy dep jalǵan aqparat taratqan áıel ustaldy

PAVLODAR. QazAqparat - Pavlodarlyq polıtseıler bala joǵaldy dep jalǵan aqparat taratqan kúdiktini ustady, dep habarlaıdy QazAqparat tilshisi.

«Jedel izdeý is-sharasynyń nátıjesinde áleýmettik jelilerde Aqsý qalasynda kámelettik jasqa tolmaǵan balanyń joǵalǵandyǵy týraly jalǵan aqparat taratqan 38 jastaǵy kúdikti áıel ustaldy», - dedi ІІD-niń baspasóz hatshysy Baıan Maǵzýmova.

Onyń sózine qaraǵanda, sotqa deıingi tergeý barysynda kúdiktiniń jalǵan aqparatty «WhatsApp» mesendjeri arqyly  Ekibastuz qalasynda turatyn apaıyna jibergen.

Ustalǵan áıel Aqsý qalasynyń Qalqaman kentinde turady. Buǵan deıin sottalmaǵan. Kámelettik jasqa tolmaǵan úsh balasy bar. Sotqa deıingi tergeý jalǵasyp jatyr.

Aıta keteıik, balanyń joǵalǵandyǵy týraly jalǵan aqparat 15 jeltoqsanda taraǵan.