Aqsýda áıel men eki balany pyshaqtap óltirgen kúdiktiniń ustalǵany jaıly vıdeo paıda boldy

PAVLODAR. QazAqparat – Aqsýda áıel men eki balany aıaýsyz pyshaqtap ketken kúdiktiniń ustalǵan sáti týraly vıdeo paıda boldy. Beınejazbany Pavlodar oblystyq polıtsııa departamentiniń baspasóz qyzmeti usyndy, dep habarlaıdy QazAqparat Pavlodarnews.kz-ke silteme jasap.

Eske sala ketsek, Aqsý qalasynda Áýezov kóshesindegi úıden áıel men onyń jeti jáne bes jastaǵy balalarynyń deneleri tabyldy. Zardap shekkenderdiń barlyǵy pyshaqtalǵan. Qaza tapqandar týraly qalanyń kezekshi bóligine saǵat 11: 40-ta habarlanǵan.

Polıtsııa qyzmetkerleri jedel-izdestirý is-sharalaryn júrgizý kezinde izin sýytpaı áıel men onyń kámeletke tolmaǵan balalaryn óltirdi degen kúdiktini ustady.

Ol Aqsý qalasynyń ýaqytsha ustaý ızolıatoryna qamaldy. Sotqa deıingi tergeý Qazaqstan Respýblıkasy QK 99-baby 2-bóligi 1-tarmaǵy jáne 99-baby 3-bóligi boıynsha júrgizilýde.