Aqsýda aýsyldan mal qyrylǵany týraly aqparat shyndyqqa saı kelmeıdi - ákimdik

PAVLODAR. QazAqparat - Áleýmettik jelide Evgenevka aýyldyq aımaǵynda aýsyl tarap, maldyń qyrylyp jatqany týraly aqparat paıda boldy, dep habarlaıdy QazAqparat Pavlodarnews.kz saıtyna silteme jasap.

Alaıda Aqsý qalasynyń ákimdiginde mundaı aqparattyń shyndyqqa saı kelmeıtinin málim etti.
- Evgenevkadaǵy janýarlardyń jappaı qyrylýy týraly aqparat jalǵan. Aýsyl dıagnozyn qoıý ázirge erte. Sebebi, bul aýrýǵa tán klınıkalyq belgiler baıqalmady. Іri qara mal aýrýynyń faktileri bolǵan. Boljam boıynsha «pasterellez» dıagnozy qoıylǵan, buǵan qosa, hımııalyq ýlaný faktisi de joqqa shyǵarylmaıdy. Veterınarlyq mamandar terapevtik sharalar júrgizip, pasterellezdi sarysý qoldanyldy. Búginde janýarlardyń saýyǵýy baıqalady jáne mal ólimi tirkelgen joq, - dep jazylǵan habarlamada.

Sondaı-aq ákimdikte aýyldyq okrýgte josparly veterınarııalyq is-sharalar júrgizilip jatqanyn jáne epızootııalyq jaǵdaı baqylaýda ekenin jetkizdi.
Oblystyq veterınarııa basqarmasy aýyldyq aımaqta janýarlar shynymen aýrýǵa shaldyqqanyn, biraq bul aýsyl emes, pasterellez bolýy múmkin ekenin habarlady.
Sondaı-aq sarapshylar maldyń hımııalyq preparatpen ýlanýy múmkin ekenin de joqqa shyǵarmaıdy. Aýrý janýarlarǵa pasterellez sarysýy engizilgen soń jaǵdaı ońalyp keledi.