Aqsýda 2 jasar bala terezeden qulap ketti
PAVLODAR. QazAqparat - Aqsý qalasynda eki jasar bala ekinshi qabattan qulap ketti, dep habarlaıdy QazAqparat pavlodarnews.kz-ke silteme jasap.
Oblystyq TJD baspasóz qyzmetiniń habarlaýynsha, oqıǵa Aqsý qalasynyń Qamzın kóshesi, 21 mekenjaıynda, saǵat 21.00-de oryn alǵan.
«Sábı bes qabatty úıdiń ekinshi qabatynan qulap túsken, - dedi baspasóz qyzmetindegiler. - Ol Aqsý qalasynyń aýrýhanasyna jetkizildi. Keıin bul kezde balanyń ata-ana qaraýynsyz qalǵany anyqtaldy. Abyroı bolǵanda, bala aman».
Densaýlyq saqtaý basqarmasynyń baspasóz hatshysy Elmıra Temirǵalıeva sábıdiń jaǵdaıy týraly aıtyp berdi.
«Búldirshin Aqsý qalasynyń aýrýhanasynan Pavlodar qalasyndaǵy oblystyq balalar aýrýhanasyna aýystyryldy. Bala jeńil mı jaraqatyn alǵan. Dárigerlerdiń aıtýynsha, balanyń jaǵdaıy birqalypty. Onyń qasynda ájesi bar», - deıdi Elmıra Temirǵalıeva.
