Aqsýda 12 jastaǵy bala sýǵa batyp ketti
PAVLODAR. QazAqparat - Aqsý mańyndaǵy Bereke aýylynda 12 jastaǵy bala sýǵa batyp ketti, dep habarlaıdy QazAqparat tilshisi Pavlodar oblystyq tótenshe jaǵdaılar departamenti baspasóz qyzmetine silteme jasap.
«1 shilde kúni Bereke aýylyndaǵy shaǵyn arnada shomylyp júrgen 2006 jyly týǵan bala sýǵa batyp ketti. Balanyń denesin jergilikti turǵyndar sýdan shyǵaryp alǵan», - dep málimdedi vedomstvo ókilderi.
Tótenshe jaǵdaılar departamenti ata-analardy balalaryn qaraýsyz qaldyrmaýǵa, sý basseınderine barýyn qadaǵalaýǵa shaqyrady.
