Aqsýattaǵy aıtystyń bas júldesin Rústem Qaıyrtaıuly jeńip aldy

ASTANA. QazAqparat - Shyǵys Qazaqstan oblysy Tarbaǵataı aýdanynyń ortalyǵy Aqsýat aýylynda «Týǵan jerge týyńdy tik» taqyrybynda ótken halyqaralyq aqyndar aıtysy óz máresine jetti, dep habarlaıdy "QazAqparat" HAA tilshisi.

Bul týraly Feısbýk paraqshasynda Berik Ýəlı habarlady.

Jyr dodasyna Rınat Zaıytov, Jansaıa Mýsına, Rústem Qaıyrtaıuly, Qýanysh Sharmanov, Qalıjan Bildáshov, Muhtar Nııazov, Aspanbek Shuǵataev, Ásem Ereje, Maqsat Ahanov, Shuǵaıyp Sezimhan, Tólegen Jamanovtarmen birge Qytaıdan Jarqynbek Berdibekuly, Mońǵolııadan Erlan Dáýletuly qatysty. Halyqaralyq aıtys Tastekeevter áýletiniń tolyqtaı qarjylandyrýymen Tarbaǵataı aýdanynyń Ekpin aýylynda ótkizildi.

Tartysty jyr dodasynda bas júldeni (2 mln teńge) Rústem Qaıyrtaıuly alsa, 1-oryndy Rınat Zaıytov (1 mln teńge) ıelendi.

Rústem aqtyq saıysqa deıin Aspanbek Shuǵataevty jeńse, Rınat Zaıytov Muhtar Nııazovtan basym túsken bolatyn. Sondaı-aq 2-oryndy Jansaıa Mýsına (750 000 teńge), júldeli 3-oryndy Jarqynbek Berdibekuly (500 000 teńge) jeńip aldy.

Muhtar Nııazov jáne Aspanbek Shuǵataev 300 000 teńgeden arnaıy syılyqqa ıe boldy.

Aqsýat aıtysynyń stependııasy 100 000 teńgeden bir jyl boıy eki aqynǵa - Kalıjan Bildəsh pen Shuǵaıyp Sezimxanǵa taǵaıyndaldy.