Aqsýatta halyqaralyq aqyndar aıtysy ótedi
ASTANA. QazAqparat - 29-shilde ShQO Tarbaǵataı aýdany, Aqsýat aýylynda «Týǵan jerge týyńdy tik» atty halyqaralyq aqyndar aıtysy ótedi, dep habarlaıdy QazAqparat tilshisi ákimdiktiń .
Aqsýat aýylynyń ortalyq alańynda saǵat:14.00-de bastalatyn jyr saıysyna Muhtar Nııazov, Rınat Zaıtov, Jansaıa Mýsına, Aspanbek Shuǵataev, Qalıjan Bildashov, Rústem Qaıyrtaıuly, Ásem Ereje, Maqsat Ahanov, Shuǵaıyp Sezimhan, Qýanysh Sharmanov, Erlan Dáýletuly (Mońǵolııa), Jarqynbek Berdibekuly (Qytaı Halyq Respýblıkasy) sekildi aqyndar qatysady. Aıtysty júrgizetin: Qazaqstannyń eńbek sińirgen qaıratkeri, aqyn Júrsin Erman.
Aıtystan bólek, Tarbaǵataı aýdanynyń Ekpin aýylynda jańadan salynǵan zamanaýı standarttarǵa saı fýtbol alańy jáne aýyl mektebin negizgi tas jolmen qosatyn eki shaqyrymdyq asfalt joly qoldanýǵa beriledi. Eki birdeı nysannyń ashylý saltanaty 29-shilde kúni saǵat: 10:00-de bastalady. Sonymen birge, Elbasymyz usynǵan «Qazaqstannyń kıeli jerleriniń geografııasy» jobasynyń negizinde «Tarıhqa toly Tarbaǵataı» atty almanah-kitabynyń 2-shi basylymy jaryq kórdi.
Elbasymyz Nursultan Ábishuly Nazarbaevtyń «Bolashaqqa baǵdar: rýhanı jańǵyrý atty» maqalasyndaǵy «Týǵan jer» baǵdarlamasyn qolǵa alý týraly tapsyrmasyn qoldaý maqsatynda ótkeli otyrǵan ıgi sharalardyń barlyǵy sol elden shyqqan Tastekeevter áýletiniń tolyqtaı qarjylandyrýymen, Tarbaǵataı aýdany ákiminiń qoldaýymen júzege asqaly otyr. Aýdan jurtshylyǵynyń rýhyn kóterip, serpin beretin izgi sharaǵa elimizge tanymal tulǵalar, sol óńirden shyqqan óner maıtalmandary, BAQ ókilderi qurmetti qonaq retinde shaqyrylyp otyr.
