Aqsýatqa tikushaq tamaq pen dári-dármek jetkizdi
SEMEI. KAZINFORM - Abaı oblysynyń Aqsýat aýdanyna tikushaqpen azyq-túlik jáne dári-dármek jetkizildi. Bul jaıynda oblys ákimdiginiń baspasóz qyzmeti habarlady.
Tikushaqpen gýmanıtarlyq kómek Kindikti, Úshtóbe, Qyzylkesik aýyldaryna jetkizildi.
Sondaı-aq, jergilikti turǵyndarmen kezdesý ótti.
Kindikti aýylyna 40 qap un, 50 kg maı, 300 kg makaron jáne dári-dármek, al Úshtóbe aýylyna 40 qap un, 300 kg makaron jáne maı, qant jáne basqa da qajetti zattar jetkizildi.
Eske sala keteıik, Abaı oblysynda keıingi kúnderi tasqyn sý talaıdyń mazasyn qashyrdy.
Jer jibip qatyp, dambylar men eldi mekenderdi qyzyl sý basty.
Aıagóz jáne Aqsýat aýdandarynda qaýipsizdik maqsatynda turǵyndar arnaıy daıyndalǵan evakýatsııalyq pýnktilerge kóshirilgen edi.
Qazirgi ýaqytta olar úılerine qaıtyp jatyr.
Keshe Aqsýat aýdanynda tótenshe jaǵdaı jarııalandy.
