Aqsý-Jabaǵyly qoryǵynda qar barysy kózge tústi

NUR-SULTAN. QazAqparat - Qazan aıynda Aqsý-Jabaǵyly memlekettik tabıǵı qoryǵynda qar barysy taǵy da fototuzaqqa tústi. Bul jóninde Ekologııa, geologııa jáne tabıǵı resýrstar mınıstrligine silteme jasap QazAqparat habarlaıdy.

Qyzyl kitaptaǵy janýardyń qaıtalanbas kadrlary teńiz deńgeıinen 2900 metr bıiktikte tirkelgen.

«Barys - mysyq tuqymdastardyń eń jasyryn júretin ókili. Sondyqtan jazdygúngi bıik taýlarda taspalanǵan beıneler ańnyń meken etý ortasy men popýlıatsııasyn zertteý úshin asa mańyzdy» dep málim etti mınıstrlikten.

Barys ilingen fototuzaqty BUU damý baǵdarlamasynyń Ǵalamdyq ekologııa qory men Ekologııa mınıstrliginiń orman sharýashylyǵy jáne janýarlar álemi komıteti orman ekojúıesin saqtaý maqsatynda ornatqan.

Eske salaıyq, búginde Qazaqstanda 120-130 ilbis mekendeıdi. Ókinishke qaraı, olardyń sany jyl saıyn azaıyp keledi.