Aqsý-Jabaǵylyda jabaıy tabıǵat bir ǵasyr boıy qorǵalyp keledi
ASTANA. KAZINFORM – Bıyl Qazaqstandaǵy eń kóne tabıǵı aýmaqtardyń biri – Aqsý-Jabaǵylynyń qurylǵanyna 100 jyl toldy. Bir ǵasyr boıy munda jabaıy janýarlar men olardyń tabıǵı meken etý ortasy qorǵalyp keledi.
Aqsý-Jabaǵylyda qar barysy bıik taýlardy mekendese, arqar men taýteke quz-jartastarda erkin tirshilik etedi. Qońyr aıýdy taý bókteri men ormandy alqaptardan kezdestirýge bolady.
Bul janýarlardyń árqaısysynyń óz mekeni men tirshilik yrǵaǵy bar. Olardy biriktiretin basty erekshelik – tabıǵı ortasynyń uzaq jyldar boıy qorǵalyp kele jatqany.
– 1926 jyly qurylǵan Aqsý-Jabaǵylyda jabaıy janýarlardy ǵana emes, olardyń meken etý ortasyn tabıǵı qalpynda saqtaý basty mindetterdiń biri boldy. Sodan beri 100 jyl ótti. Bir ǵasyrda kóp nárse ózgerdi. Biraq bul taýlarda jabaıy tabıǵattyń óz yrǵaǵymen ómir súrýi jalǵasyp keledi, – delingen Ekologııa jáne tabıǵı resýrstar mınıstrligi taratqan aqparatta.
Aqsý-Jabaǵylynyń ǵasyrlyq tarıhy tabıǵı ekojúıeler men sırek kezdesetin janýarlardyń mekenin saqtaýdyń mańyzyn kórsetedi.
Aıta keteıik, Aqsý-Jabaǵyly qoryǵynyń 100 jyldyǵyna oraı 1000 túp aǵash egildi.
