Aqsý-Jabaǵyly qoryǵynyń jabaıy janýarlary fototuzaqqa túsip qaldy
ASTANA. KAZINFORM — Aqsý-Jabaǵyly memlekettik tabıǵı qoryǵynda ornatylǵan fototuzaqtar jabaıy janýarlardyń tabıǵı ortadaǵy tirshiligin taspaǵa túsirdi. Bul týraly Orman sharýashylyǵy jáne janýarlar dúnıesi komıteti málim etti.
Qoryq mamandarynyń pikirinshe, fototuzaqtar janýarlardyń qozǵalysyn, minez-qulqyn jáne meken etý erekshelikterin baqylaýǵa múmkindik beredi.
Jınalǵan derekter bıoalýantúrlilikti zertteýge jáne tabıǵatty qorǵaý sharalaryn tıimdi josparlaýǵa kómektesedi.
Árbir kadr – tabıǵattyń biz baıqaı bermeıtin qupııa tirshiliginen bir úzik syr.
Aıta keteıik, buǵan deıin «Buırataý» ulttyq parkinde qaban men elikter fototuzaqqa túsken bolatyn.
