Aqsý turǵyny Ýkraınadaǵy soǵysta júrmin dep tanysqan jigitke aldanyp, 2 mln teńgesinen aıyryldy
Aqsý qalasynyń 33 jastaǵy turǵyny jańa alaıaqtyq shemasynyń qurbany boldy. Aldanyp qalǵan áıel eki mıllıon teńgesin alaıaqqa berip qoıǵan.
Anyqtalǵandaı, turǵyn ınternette jigitpen tanysqan. Ol oǵan Reseı-Ýkraına soǵysynda júrgenin jáne jaqynda Qazaqstanǵa keletinin aıtqan. Hat almasý kezinde ol óz sózderine sendirip, jyly sózder aıtqan. Keıin «súıikti» dosy qyzdan jeke zattary, qujattary jáne 50 myń dollar kólemindegi qolma-qol aqshasy bar paketti qarsy alýdy ótingen. Biraq sálemdemeni shekaradan ótkizý úshin memlekettik baj salyǵyn jáne kedendik anyqtamany tóleý kerek ekenin aıtqan. Áıel birden jaqyn mańdaǵy bankten 2 mıllıon teńge nesıe rásimdep, korrespondentsııada kórsetilgen bank shotyna jibergen. Al aqshasyn alyp alǵan alaıaq qosymshadan óshirilgen.
– Qazirgi tańda QR Qylmystyq kodeksiniń 190-baby boıynsha alaıaqtyq faktisi boıynsha sotqa deıingi tergeý amaldary júrgizilýde. Polıtseıler osy qylmysqa qatysy bar adamdy anyqtaýǵa baǵyttalǵan birqatar is-sharalardy júrgizip jatyr, – dep habarlady Pavlodar oblysy Polıtsııa departamentiniń baspasóz qyzmeti.
