Aqsý turǵyny qoımadan jarty mıllıon teńgeniń temekisin urlaǵan
PAVLODAR. QazAqparat – Polıtsııa Pavlodar oblysynyń túrli aýdandarynda urlyq jasaǵan úsh baýkespeni qolǵa túsirdi, dep habarlaıdy QazAqparat tilshisi.
«Aqsýdyń 21 jasar turǵyny Ertis aýdanyndaǵy bir eldi mekenniń qoımasyna plastık tereze arqyly kirip, 530 myń teńgeniń «LD club» markaly temekisin jymqyryp ketken», - dep málim etti Pavlodar oblystyq polıtsııa departamentiniń baspasóz qyzmetinen.
Ertemen Ertis aýdany polıtsııasyna 70 jastaǵy aýyl turǵyny habarlasqan. Polıtsııanyń aıtýynsha, ol tún ortasynda qoımadan bireýler 126 blok sıgaretti urlap ketkendigin aıtqan.
«Taǵy bir oqıǵada 34 jastaǵy Ekibastuz turǵyny saıajaılyq ýchaske aýmaǵynan quny 60 myń teńgelik metall synyqtaryn alyp ketken. Al Aqtoǵaı aýdanynda 30 jastaǵy aýyl turǵyny quny 25 myń teńge turatyn «Laux» velosıpedin urlaǵan»,-dep tolyqtyrdy quqyq qorǵaý organyndaǵylar.
Olardyń bári qolǵa tústi. Endii zań aldynda jaýap beretin bolady.
Avtor:
Anton Gagarın
