Aqsý ózeninen tabylǵan úndistandyq stýdenttiń máıiti emes bop shyqty – QR TJM

ASTANA. QazAqparat – Aqsý ózeninen tabylǵan úndistandyq stýdenttiń máıiti emes bolyp shyqty. Medıtsına saraptamasynyń qorytyndysy izdestirý-qutqarý jumystary barysynda tabylǵan máıit Úndistan azamaty emes ekendigin anyqtady. Bul týraly QazAqparat QR Tótenshe jaǵdaılar mınıstrliginiń baspasóz qyzmetine silteme jasap habarlaıdy.

Sarptamynyń qortyndysynyń nátıjesinde múrdeniń qyz bala ekendigi anyqtaldy. Tabylǵan múrdeniń kim ekenin anyqtaý úshin máıit polıtsııa qyzmetkerlerine tapsyryldy.

Aıta keteıik, 10 qazan kúni saǵat 13:15-te úzdiksiz izdestirý jumystarynyń barysynda Aqsý ózeninen Hanaryq aýylynyń soltústik jaǵynan tómen qaraı 1,5 shaqyrym jerde respýblıkalyq jedel-qutqarý jasaǵynyń qutqarýshylary bir adamnyń máıitin tapqan bolatyn.

Túrkistan oblysy TJD Úndistan eleiniń azamattarynan basqa joǵalǵan azamattar jaıly habarlama kelip túspegen. Іzdeý jumystaryna 12 qutqarýshy men 2 qaıyq jumyldyrylǵan.

«Іzdestirý-qutqarý jumystary 3 aı boıy júrgizildi. Sý deńgeıiniń kóterilýine baılanysty, ózenniń qatty aǵysy izdestirý-qutqarý jumystaryna kedergi keltirdi. Sonymen qatar, qutqarýshylarǵa taýlar tik bolǵandyqtan ózen jaǵasyna túsý qıyn boldy. Ózenniń tereńdigi 14 metrge jetedi, al súńgýirler 11 metr tereńdikke súńgip, izdestirý jumystaryn júrgizdi»,-delingen QR Tótenshe jaǵdaılar mınıstrligi taratqan málimette.