Aqsý ózeninen denesi tabylǵan áıeldiń ólimine qatysty qylmys ashyldy

ASTANA. QazAqparat – Túrkistan oblysynyń tártip saqshylary denesi Tólebı aýdany Aqsý ózeninen tabylǵan áıeldiń óliminiń mán-jaıyn anyqtady, – dep habarlaıdy Polisia.kz

Esterińizge sala keteıik, 10 qazanda Tólebı aýdanynyń polıtsııa bólimine Aqsý ózeninde máıittiń tabylǵany týraly habarlama kelip túsken bolatyn. Oqıǵa ornyna birden polıtsııa bóliminiń jedel-tergeý toby shyqty. Polıtseıler qaza tapqan adamnyń kim ekenin anyqtady, ol Tólebı aýdanynyń turǵyny bolyp shyqty.

Sondaı-aq Shymkent qalasy Polıtsııa departamenti Eńbekshi aýdandyq polıtsııa bólimine ápkesiniń habar-osharsyz ketý deregi boıynsha týystary aryzdanǵany belgili boldy.

Atalǵan jaıt boıynsha Qazaqstan Respýblıkasy QK-niń 99-baby 1-bóligimen (Adam óltirý) qylmystyq is tirkeldi jáne sotqa deıingi tergeý júrgizilýde.

Jedel-izdestirý is-sharalary barysynda polıtseıler osy qylmysty jasady degen kúdikpen jábirlenýshiniń burynǵy kórshisi Tólebı aýdanynyń turǵynyn ustady.

Belgili bolǵandaı, aqshalaı qaryz qylmysqa sebep bolǵan. Qaryzdy qaıtarmaý úshin kúdikti kórshisinen qutylmaq bolǵan. Ol aldaý arqyly jábirlenýshini Aqsý ózenine aparyp, jartastan ıterip jibergen. Alǵan jaraqattarynan áıel qylmys ornynda qaıtys bolǵan. Qazirgi ýaqytta kúdikti óz kinásin tolyq moıyndap, bul áreketine ókinetinin jetkizdi. Ol ýaqytsha ustaý ızolıatoryna qamaýǵa alyndy. Búginde sotqa deıingi tergeý amaldary júrgizilýde.