«Aqsý» óz alańynda «Shahterden» basym tústi

ASTANA. QazAqparat – Búgin fýtboldan premer-lıga komandalary arasyndaǵy el birinshiliginiń 17-týrynda taǵy eki oıynnyń nátıjesi belgili boldy, dep habarlaıdy QazAqparat tilshisi.

Pavlodar oblysynyń «Aqsý» komandasy óz alańynda Qaraǵandynyń «Shahterin» qabyldady.

Oıyn barysynda pavlodarlyq klýbtan Evgenıı Kobzar 38, Andreı Soloveı 57-mınýtta mergendik tanytty. Oǵan qaraǵandylyq klýbtan Roman Murtazaev 70-mınýtta bir golmen jaýap qaıyrdy.

Osylaısha «Aqsý» qarsylasynan 2:1 esebimen basym tústi. Nátıjesinde týrnır kestesinde 13-orynǵa kóterildi. Sondaı-aq taǵy bir kezdesýde «Qaısar» (Qyzylorda) men «Qaırat» (Almaty) 0:0 esebine qanaǵat bildirdi. Al elordalyq «Astana» Petropavlda «Qyzyljardan» 0:1 esebimen jeńilip qaldy.

Endi 30 shildede «Kaspıı» (Aqtaý) men «Aqtóbe», «Atyraý» men «Jetisý» (Taldyqorǵan) kezdesedi.

Atalǵan týrdyń 10 shildede aldyn ala ótkizilgen oıynynda «Oqjetpes» (Kókshetaý) «Ordabasy» (Shymkent) komandasyna 0:4 esebimen jol berdi.

Al «Maqtaaral» (Túrkistan oblysy) men «Tobyl» (Qostanaı) kezdesýi belgisiz merzimge keıinge qaldyryldy.