Aqsý qorytpa zaýytyna 850 mln teńge aıyppul salyndy
PAVLODAR. KAZINFORM — Pavlodar oblysy boıynsha Ekologııa departamenti oblystyq Mamandandyrylǵan tabıǵat qorǵaý prokýratýrasymen birlesip, Ekologııalyq kodeks talaptaryn buzý faktilerin anyqtady.
Departamenttiń málimetinshe, Aqsýdaǵy ferroqorytpa zaýyty «TNK «Qazhrom» AQ fılıaly osy jyldyń І toqsanynda atmosferaǵa 663,67 tonna kóleminde belgilengen normadan artyq lastaýshy zattar shyǵarǵan.
Buzýshylyq faktisi óndiristik ekologııalyq baqylaý esepterimen jáne salyq deklaratsııalarymen (870-nysan) rastalǵan.
Atalǵan fakti boıynsha ÁQBtK-niń 328-babynyń 1-bóligine sáıkes 854 994 984 teńge kóleminde ákimshilik aıyppul salyndy. Atalǵan soma memleket kirisine tolyq kólemde óndirip alyndy.
Buǵan deıin Qazaqstannyń qaı qalalarynda jańa zaýyttar salynatynyn jazǵan bolatynbyz.