«Aqsý» komandasynyń bas bapkeri qyzmetinen ketti

ASTANA. QazAqparat - Pavlodar oblysynyń «Aqsý» komandasy bas bapker Rýslan Kostyshınniń qyzmetinen ketkeni jóninde resmı málimdeme jasaldy, dep habarlaıdy QazAqparat tilshisi.

Bul jóninde komandanyń baspasóz qyzmeti málim etti.

Ýkraınalyq maman ótken jyldyń qańtar aıynda komandaǵa jetekshilik etti. Byltyr Premer-lıgany klýb altynshy orynmen aıaqtady.

Rýslan Kostyshınmen birge Vıktor Ýlıanıtskıı, Vladımır Arjanov jáne Andreı Fedorenko syndy mamandar da qyzmetimen qosh aıtysty.

Komandanyń jańa bapkerler quramy jóninde jaqyn arada habarlanady.

Eske salsaq, budan buryn «Jetisý» fýtbol klýbynyń bas bapkeri aýysty.