Aqsý kenishinde zańsyz jer qoınaýyn paıdalaný oqıǵasy anyqtaldy - Aqmola oblysy
KÓKShETAÝ. QazAqparat - Aqmola oblysynyń Aqsý kenishinde zańsyz jer qoınaýyn paıdalaný oqıǵasy anyqtaldy, dep habarlaıdy QazAqparat tilshisi oblystyq PD baspasóz qyzmetine sileteme jasap.
Vedomstvonyń málimetinshe, 13 qarashada Stepnogorsk qalalyq PB kezekshilik bólimine «Qazaqaltyn» TKMK» AQ jumysshysynan habar túsken. Onyń aıtýynsha, Aqsý kentindegi kásiporyn shahtasy aýmaǵynda Stepnogorsk qalasynyń 38 jastaǵy turyǵyn basqarǵan «KRAZ» júk kóliginen 4 qap ken tabylǵan.
«Osy oqıǵaǵa baılanysty QR QK 334 babynyń 1 bóligi (jer qoınaýyn óz erkimen paıdalaný) boıynsha is qozǵalyp, sotqa deıingi tergeý amaldary júrgizilýde. Atalmysh bap boıynsha sanktsııa 200 AEK kóleminde aıyppul nemese 50 táýlikke qamaý jazasyn qarastyrady», - deıdi PD baspasóz qyzmetindegiler.
Vedomstvonyń málimetinshe, quramynda altyny bar kendi zańsyz óndirýge qarsy kúres sharalary tártip saqshylarynyń jiti baqylaýynda.
Bıylǵy jyly Bestóbe jáne Aqsý kentindegi polıtsııa beketine 3 900 «zańsyz altyn izdeýshi» jetkizildi. Onyń 1760-i QR ÁQbK 506 boıynsha ákimshilik jaýapkershilikke tartyldy. Altyny bar kendi óńdeýge arnalǵan 3 shaǵyn tseh tárkilenip, shahtanyń ishine kiretin 4 sańylaý anyqtaldy.
