Aqsý qalasynda sýburqaqqa shomylǵan 3 jasar qyzdy toq soqty

ASTANA. QazAqparat - Pavlodar oblysy Aqsý qalasynda sýburqaqqa shomylǵan 3 jasar qyz balany toq soqty, dep habarlaıdy Pavlodar-onlaın.

Sońǵy derekterge saı, búldirshin jansaqtaý bóliminde jatyr.
Densaýlyq saqtaý basqarmasy keltirgen derekke saı, 3 jas 9 aılyq qyz balany 3 maýsym kúni 15:53-te aýrýhanaǵa oqıǵa ornynan jedel járdem kóligi jetkizgen. Kýágerlerdiń aıtýynsha, ol sýburqaqqa túsken kezde toq soqqan. Aýrýhanaǵa jetkizilgen sátte jaǵdaıy aýyr bolǵan, esin bilmegen.

Bala jansaqtaý bólimine jatqyzylyp, Aqsýlyq dárigerlerge kómekke sanavıatsııamen Pavlodar qalasynan mamandar kelgen. 21 saǵattaǵy ahýal boıynsha, balanyń jaǵdaıy jaqsarǵan. Qazirgi sátte esin jıǵan. Jiti emdeý jáne jansaqtaý bóliminde em alyp jatyr.