Aqsý qalasynda sý qubyryn jóndeýge bólingen 340 mln teńge jymqyryldy
«QR Qarjylyq monıtorıng agenttiginiń Pavlodar oblysy boıynsha aýmaqtyq departamenti Aqsý qalasyndaǵy sý qubyryn qaıta jóndeýge bólingen bıýdjet qarajatyn jymqyrý faktisin anyqtady. Aqsý qalasynyń qurylys bóliminiń basshysy Muzdybaev, «Dala» JShS dırektory Ryspekov jáne tehnıkalyq qadaǵalaý mamany Nurtazın is júzinde oryndalmaǵan jumys aktilerine qol qoıǵan.
Qylmystyq áreketter saldarynan memleketke jalpy somasy 340 mıllıon teńge, ıaǵnı asa iri kólemdegi materıaldyq zalal keltirildi», - delingen vedomstvo taratqan málimette.
Aqsý qalalyq soty Muzdybaevqa qatysty 7 jylǵa bas bostandyǵynan aıyrý týraly úkim shyǵardy.
Pavlodar oblystyq sotynyń qylmystyq ister jónindegi sot alqasy Rysbekovty 9 jylǵa, Nurtazındi 7 jylǵa bas bostandyǵynan aıyrdy.