Aqsý qalasynda polıtsııa qyzmetkeri garajda asylyp qalǵan
AQSÝ. QazAqparat - Pavlodar oblysynda polıtsııa qyzmetkeri ózine qol jumsady, dep habarlaıdy QazAqparat oblystyq polıtsııa departamentine silteme jasap.
Quqyq qorǵaý organdary buǵan ne sebep bolǵanyn anyqtap jatyr.
Polıtseıdiń denesi 5 shilde tún jarymynda tabylǵan.
«5 shilde kúni saǵat 00.40 kezinde polıtsııa maıorynyń denesi garajdan tabyldy. Ol asylyp qalǵan. Atalǵan fakti negizinde sotaldy tergeý bastaldy» dep málim etti oblystyq polıtsııa departamenti bastyǵynyń orynbasary Jandos Orymbaev.
Keı aqparat kózderiniń málimetinshe, ol polıtsııa ınspektory bolyp jumys istegen.
Búginde QR Qylmystyq kodeksiniń 105-baby boıynsha qylmystyq is qozǵaldy.
Barlyq qajetti saraptama taǵaıyndalǵan. Іstiń jaı-japsary tergeý kezinde anyqtalady.
Pavlodarnews resýrsynyń málimetine sensek, bul - óńirdegi bıylǵy osyndaı úshinshi jaǵdaı. Sáýirde polıtseı asylyp qalǵan, al mamyrda Jelezın aýdanynda polıtseı ózin óltirý úshin ıyǵyna oq atqan edi.
