Aqsý qalasynda oqýshylar mektepte balapan ósiredi

AQSÝ. QazAqparat - Pavlodar oblysynyń ákimi Ábilqaıyr Sqaqov Aqsý qalasynda «Zamanaýı mektep» baǵdarlamasy boıynsha jańartylǵan mektepterdi aralady, dep habarlaıdy QazAqparat.

№8 jalpy orta bilim berý mektebinde aımaq basshysyna STEM-zerthana tanystyryldy, onda oqýshylar gıdroponıkada salat ósirip, jumyrtqa basatyn ınkýbator jasap shyǵardy.

Mektep dırektory Sulýshash Beşembaeva qaıta qurý barysynda ashanaǵa, akt zalyna jáne mekteptiń qasbetine terezelerdi aýystyrýmen birge kúrdeli jóndeý júrgizilgenin aıtty. Sondaı-aq, merdigerler mekteptiń qosalqy aýmaǵyn abattandyrdy.

Mekteptiń qamqorshylyq keńesiniń ókili ıÝlııa Kress jóndeýden keıin mektepte paıda bolǵan jaılylyq pen jylylyqty atap ótti.

Onyń úsh balasynyń úlkeni - osy mekteptiń túlegi, odan keıingi eki balasynyń kishisi bastaýysh, ortanshysy orta býynda oqıdy.

- Qystygúni kabınetterde sýyq bolatyny esimde, al, qazir oqýshylar jeńsiz kóıleksheń otyrady, - dedi ıÝlııa Kress. - Meniń úlken balam oqyp júrgende mekteptiń dál osyndaı ádemi bolmaǵanyna ókinedi.

Bıologııa pániniń muǵalimi Tileýjan Qumar oqýshylardyń bastamasy boıynsha ósimdikterdi gıdroponıkalyq negizde ósire bastaǵandaryn aıtty.

Olar qysqa merzim ishinde joǵary nátıjelerge qol jetkizdi.

- Balalar akvarıým balyqtarynyń tirshilik áreketiniń arqasynda salat japyraqtaryn ósirý úshin gıdroponıkalyq qondyrǵy jasaýdy usyndy, - dedi Tileýjan Qumar. - Nátıjesinde biz úlkendigi alaqandaı salat japyraqtaryn ósirip shyǵardyq.

STEM-zerthananyń taǵy bir jobasy - ınkýbator qurylǵysy.

Synaq pen qatelikter nátıjesinde temperatýra sensorlaryn, gıdrometrlerdi jáne basqa jabdyqtardy qoldana otyryp, balalar jıyrma bes jumyrtqadan jıyrma taýyq balapanyn shyǵardy.

Pedagogtarmen, oqýshylarmen jáne olardyń ata-analarymen áńgimelesý barysynda Ábilqaıyr Sqaqov óńirde tolyqqandy oqý úderisi úshin barlyq jaǵdaı jasalyp jatqanyn, bul múmkindikter oqýshylardyń bilim sapasyn jaqsartatyn irgetasqa aınalýy tıis ekenin atap ótti.

- Pavlodar oblysynda Balalar jyly aıasynda birqatar keshendi is-sharalar júzege asyrylýda, - dedi óńir basshysy. - Biz mektepte tamaqtaný qunyn kóterdik, oqýshylar qoǵamdyq kólikte tegin júrý quqyǵyna ıe boldy.

Aqsý kentinde oblys ákimi atyndaǵy Q. Shúlenbaev atyndaǵy JOBBM-e bardy, munda ótken jyly jylytý júıesine, ǵımarattyń qasbetine, sport alańdaryna jáne ishki árleý jumystaryna kúrdeli jóndeý júrgizildi.

Kentte tórt myńǵa jýyq adam turady, olardyń ishinde 456-i - mektep jasyndaǵy balalar.