Aqsý qalasynda qutqarýshylar otqa oranǵan páterden er adamdy alyp shyqty

 Oblystyq TJD-niń málimetinshe, tilsiz jaýdyń oryn alǵany týraly habarlama kezekshilik bólimine saǵat 18.55-te túsken. Saǵat 19.11-de tilsiz jaý tolyqtaı aýyzdyqtaldy, dep habarlaıdy pavlodarnews.kz .

«Oqıǵa ornynda № 11 órt sóndirý bólimi, «102» jáne «103» qyzmeti jumys istedi. Eki bólmeli páterde zattar janǵan. Órt sóndirýshiler kelgenge deıin jeti adam ózdiginen syrtqa shyqqan. Onyń ekeýi - balalar. 1964 jylǵy azamatqa alǵashqy medıtsınalyq kómek kórsetildi. Er adam aýrýhanaǵa barýdan bas tartty. Qazirgi tańda keltirilgen shyǵyn kólemi men órttiń shyǵý sebebi anyqtalýda, - dedi departamentte.