Aqsý qalasynda alıment tóleýden jaltarǵandar 13 mln teńge qaryzdaryn ótedi - Pavlodar oblysy
Qalalyq prokýratýranyń málimetinshe, vedomstvo boryshkerlerdi jumysqa ornalastyrý máselesin qarastyrýda. Bul tyǵyryqtan shyǵýdyń bir joly - bos oryn jármeńkesin uıymdastyrý. Qaryzy bar azamattardyń árqaısysymen jeke jumys júrgiziledi. Nátıjesinde olardyń bireýi bir kúnniń ishinde balasyna eki jyl boıy tólemegen mıllıon teńge qaryzyn ótegen. Sońǵy ret 32 jastaǵy Alekseı Şerbakov barǵan bos oryn jármeńkesinde shamamen 150 jumys orny usynylǵan. - Osymen jarty jyldaı jumys izdep júrdim. Ózimniń alty jasar qyzymdy qamtamasyz etýden eshqashan bas tartqan emespin. Degenmen qarjy máselesi qolbaılaý boldy. Búginde bereshek 400 myń teńgeni quraıdy. Jármeńkede kúzetshi jumysyn usyndy, - deıdi Alekseı Şerbakov.
Aqsý qalasy prokýratýrasynyń derekterine qaraǵanda, 23 adam ákimshilik jaýapkershilikke tartylǵan. Onyń 16-sy bes táýlikke deıin qamaýǵa alynǵan. Sonymen qatar, vedomstvo kólik quralyn basqarý quqyǵyna shekteý qoıý týraly sheshim qabyldaǵan. Sotqa 50 adamǵa qatysty usynys jiberilip, beseýi endigi kólik basqarý quqyǵynan aıyryldy, dep habarlaıdy pavlodarnews.kz.