Aqsý qalasy mańynda aıazda úsip qalǵan er adam tabyldy
PAVLODAR. QazAqparat - Pavlodar oblysyndaǵy Aqsý qalasyna qarasty Úshterek aýyldyq aımaǵynda aıazda úsip qalǵan er adam tabyldy. Bul týraly oblystyq TJD baspasóz qyzmetiniń mamany Gaýhar Syzdyqova aıtty, dep habarlaıdy pavlodarnews.kz.
- 1 qańtar kúni 52 jastaǵy er adamdy izdeý jumystary júrgizildi. Ol aýyldan eki shaqyrym qashyqtyqta joǵalyp ketken. Іzdestirý sharalary saǵat 17.41-de bastalyp, saǵat 18.20-da aıaqtaldy. Nátıjesinde aýyl turǵyny Aqsý qalalyq aýrýhanasynyń travmatologııa bólimshesine jetkizildi, - dedi Gaýhar Syzdyqova.
Aıazda qalyp qoıǵan er adamǵa «eki tabanynyń úsýi» dıagnozy qoıylǵan. Іzdestirý sharalaryna Aqsý qalasy № 11 órt sóndirý bóliminiń jeke quramynan úsh adam jáne bir tehnıka jumyldyryldy.
