Aqsý qalasynyń mańynda eki adam kólikpen ózenge qulap, opat boldy

PAVLODAR. KAZINFORM – Jazataıym oqıǵaǵa tap bolǵandar balyq aýlaýǵa shyqqan. Qutqarýshylar olardyń múrdelerin sýdan alyp shyqty.

17 qyrkúıek kúni saǵat 00:30-da 112 pýltine Aqsý qalasy mańynda ornalasqan Belaıa ózenine ishinde eki adamy bar «Nıva» kóligi abaısyzda túsip ketkeni týraly habarlanǵan. 

– Іzdestirý-qutqarý jumystaryn júrgizý úshin Pavlodar qalasynan tótenshe jaǵdaılar departamenti jedel-qutqarý jasaǵynyń kúshteri jiberildi. Saǵat 07:45-te qutqarýshylar 1960 jáne 1977 jyldary týǵan qos er adamnyń denelerin sýdan alyp shyqty, - dep habarlady tótenshe jaǵdaılar departamentiniń baspasóz qyzmetinen.

Eske sala keteıik, bıyl Pavlodar oblysynyń sý aıdyndarynda 14 adam ajal qushqan.