Aqsý qalasynda qarttardy azaptaǵan pansıonat qyzmetkeri sottaldy

PAVLODAR. KAZINFORM — Aqsý qalasynda «Qamqor» áleýmettik qyzmetter ortalyǵynyń turǵyndaryna qatysty qatygezdik kórsetý jónindegi rezonans týdyrǵan is boıynsha sot úkimi shyqty. Bul týraly Pavlodar oblysynyń prokýratýrasy málim etti. 

— Sot otyrysy Aqsý prokýratýrasynyń beınekameralardan alynǵan jazbalardy zertteý nátıjesinde júrgizilgen taldaýdyń qorytyndysyna saı sheshim shyǵardy. Onda esten tandyryrlyq zorlyq-zombylyqtyń faktileri tirkelgen, — delingen habarlamada.

Pansıonat qyzmetkeri júıeli túrde qamqorlyqtaǵy adamdarǵa fızıkalyq kúsh qoldanyp, olardy kóshede jyly kıimsiz  qaldyryp, qystyń sýyǵynda qatty tońýǵa májbúrlep, azap shektirgen.

— Jasalǵan áreketterdiń aýyrlyǵyn jáne olardyń saldaryn eskere otyryp, sot aıyptalýshyny kináli dep tanyp, úsh jylǵa bas bostandyǵynan aıyrý jazasyn taǵaıyndady, — dep habarlady prokýratýradan.

Sot úkimi zańdy kúshine engen joq.

Eske sala keteıik, buǵan deıin Aqtóbe oblysynyń bilim berý salasynda zań buzǵan laýazymdy tulǵalar jazalanǵanyn jazǵan bolatynbyz.