Aqsý qalasynda 291 mln teńgeni qoldy qylǵandar 7 jylǵa sottaldy
ASTANA. KAZINFORM — 3 qazanda Aqsý qalasynyń mamandandyrylǵan aýdanaralyq soty asa iri kólemdegi bıýdjet qarajatyn talan-tarajǵa salý isi boıynsha úkim shyǵardy.
— Aıyptalýshylar qatarynda Aqsý qalasynyń qurylys bóliminiń burynǵy basshysy men merdiger kompanııa ókili ekeýi de 7 jyl bas bostandyǵynan aıyryldy, — delingen Pavlodar oblysynyń prokýratýrasy habarlamasynda.
Bul sot protsesi kórsetilimdik sıpatqa ıe bolyp, oǵan memlekettik organdardyń basshylary qatysty.
Eske sala keteıik, buǵan deıin, 2024 jyly Aqsý qalasynyń prokýratýrasy tórt dene shynyqtyrý-saýyqtyrý kesheniniń qurylysy boıynsha oryndalǵan jumys aktileriniń zańsyz qol qoıylǵanyn anyqtaǵan bolatyn.
Aldyn ala tergeý barysynda arnaıy prokýrorlar memleketke 290 mıllıon teńgeden astam shyǵyn keltirilgenin anyqtady.
Úkim zańdy kúshine engen joq.
Aıta ketelik Abaı oblysynda qaldyqtardy shyǵarý tarıfterin zańsyz kóterý toqtatylǵan edi.