Aqsý qalasynda 2,6 mlrd teńgelik jaıylym jer memleketke qaıtaryldy
ASTANA. KAZINFORM — Qazir atalǵan aýmaqtar arnaıy jer qoryna engizilip, belgilengen maqsattaryna sáıkes bólinetin bolady, dep habarlaıdy Aqsý qalasy prokýratýrasynyń baspasóz qyzmeti.
— Prokýratýranyń usynysyn qaraý nátıjesinde quny 2,6 mlrd teńge bolatyn, aýyl sharýashylyǵy maqsatyndaǵy jalpy aýmaǵy 2 410 gektar jer ýchaskeleri memleket menshigine qaıtaryldy, — delingen habarlamada.
Tekserý barysynda halyqtyń mal jaıýyna ǵana arnalǵan jer ýchaskeleriniń úshinshi tulǵalarǵa ózge maqsattarda berilgeni anyqtaldy. Saldarynan bul jaıylymdyq jerlerdiń tapshylyǵyna ákep soqqan.
Budan buryn Jambyl oblysynda 274,9 gektar jer memleket menshigine qaıtarylǵanyn jazǵanbyz.
