Aqsý ferroqorytpa zaýytynda jumysshy kúıip qaldy
PAVLODAR. KAZINFORM – Eńbek ınspektsııasy komıtetiniń Pavlodar oblysy boıynsha departamenti qazirgi ýaqytta oqıǵanyń mán-jaıyn anyqtaý boıynsha tergeý is-sharalaryn uıymdastyryp jatyr.
Aqsý qalasyndaǵy ferroqorytpa zaýytynda jazataıym oqıǵa boldy. Zaýyt jumysshysy óndiris ornynda kúıip qalǵan.
– Atalǵan oqıǵa 12 qarasha kúni bolǵan. Qazirgi ýaqytta tekserý, tergeý is-sharalary uıymdastyrylyp jatyr. Oqıǵanyń qalaı órbigenin, sebep-saldaryn anyqtaımyz. Kúıip qalǵan er adam ekeni anyqtaldy, - dep habarlady Memlekettik eńbek ınspektsııasy komıtetiniń Pavlodar oblysy boıynsha departamenti basshysynyń orynbasary Abylaı Sabyrov.
Zardap shekken azamat 1996 jyly týǵan, kásiporynda slesar-jóndeýshi bolyp jumys isteıdi.
Jalpy Aqsý ferroqorytpa zaýytynda qyzmetkerlerdiń kúıip qalý oqıǵalary jıi qaıtalanatyny baıqalady.
Ótken jyly Aqsý ferroqorytpa zaýytynyń eki mashınısi kúıip qalǵany týraly jazǵanbyz. Keıin olardyń biri qaıtys boldy.
Al bıylǵy qyrkúıek aıynda taǵy úsh jumysshyny kúıik shaldy.
