Aqsý energetıkteri elektr energııasyn óndirý josparyn asyra oryndady
PAVLODAR. QazAqparat - Qańtar aıynda «Eýrazııalyq energetıkalyq birlestigi» AQ-nyń Aqsý elektr stansasynyń ujymy 1 mlrd 422 mln-nan astam kVt/saǵ energııa óndirdi. Bul jospardan 32,7 mln kVt/saǵ artyq bolyp shyqty, dep habarlady kásiporynnyń baspasóz qyzmeti.
Óndiris kóleminiń ulǵaıýy elektr energııasyn tutynýshylar suranysynyń artýyna baılanysty boldy. Olardyń arasynda «Qazhrom» TUK» AQ, Qazaqstan elektrolız zaýyty, Sokolov-Sarybaı taý-ken baıytý óndiristik birlestigi sııaqty Qazaqstannyń iri ónerkásip kásiporyndary bar.
Eske sala keteıik, Aqsý elektr stansasynda 2001 jyldan bastap energııalyq bloktardy qalpyna keltirý jumystary sátti júrgizildi; 8 bloktyń beseýi keshendi jańǵyrtyldy. Qazirgi ýaqytta quny 277 mln dollar №5 energııalyq blokty qalpyna keltirý jumystary bastaldy.
«EEB» AQ-y 1996 jyldan beri jóndeý jumystary men elektr stansasy jabdyqtarynyń qalpyna keltirilýine 190 mlrd-tan astam teńge jumsaǵan.
Aqsý elektr stansasynyń óndirý qýattylyǵy - 2450 MVt.
