Aqsý aýdanynyń 63 mektep oqýshysy jazǵy demalystaryn «Kóktal-Arasan» balalardy emdeý-saýyqtyrý shıpajaıynda ótkizedi
TALDYQORǴAN. Maýsymnyń 14-i. QazAqparat /Sandýǵash Dúısenova/ - Sý tasqynynan zardap shekken Eginsý, Aqtoǵan jáne Qyzylaǵash aýyldarynyń 36 mektep oqýshysy jazǵy demalystaryn Panfılov aýdanyndaǵy «Kóktal-Arasan» balalardy emdeý-saýyqtyrý shıpajaıynda ótkizedi.
Oblys ákiminiń baspasóz qyzmeti habarlaǵandaı, aýdan ákimi Ermek Kelemseıit, emdeý-saýyqtyrý shıpajaıynyń bas dárigeri Qurmanjan Ahmetqalıev, «Ájeler» ansambli, kórkemóner ártisteri, jáne de birneshe kún buryn basqa aýdandardan demalýǵa kelgen búldirshinder balalardy jyly júzben qarsy aldy.
Osynyń barlyǵy qyzylaǵashtyq uldar men qyzdarǵa kóńildi demalys syılaǵan «Nur Otan» HDP oblystyq fılıaly men Qazaqstan Kásibı odaǵy respýblıkalyq federatsııasynyń birlesken is-áreketiniń arqasynda júzege asyp otyr.
Jazǵy demalys kúnderi «Kóktal-Arasan» balalardy emdeý-saýyqtyrý shıpajaıynda Uıǵyr, Raıymbek, Kerbulaq aýdandarynan kelgen eki júzge tarta bala demalatyn bolady.
