Aqsý aýdanyndaǵy taǵy bir aýylǵa sý basý qaýpi tóndi
ASTANA. Naýryzdyń 29-y. QazAqparat - Almaty oblysy Aqsý aýdanyndaǵy Aqsý ózeni men Qarasý aýylynyń mańyndaǵy kishigirim kólderdegi sý deńgeıiniń kóterilýi saldarynan Qarasý aýylyn sý basý qaýpi tóndi, aýyl turǵyndary qaýipsiz jerge kóshirildi,
dep habarlady QR TJM-nan.
Vedomstvo baspasóz qyzmetinen málim etkendeı, naýryzdyń ótken 27-si kúni 18 saǵat 10 mınýtta Aqsý ózeni men Qarasý aýylynyń mańyndaǵy kishigirim kólderdegi sý deńgeıi kóterilip, turǵyn úılerdi sý basý qaýpi tóndi. Al «Qarasý-Mataı» avtojolynyń 16-shy shaqyrymyndaǵy tikburyshty temirbetondy jol ótkelin (kópir) sý shaıyp ketken. Qarasý aýylynda 70 aýla, 225-ke jýyq turǵyn bar.
18 saǵat 30 mınýtta tótenshe jaǵdaı ornyna Almaty oblysy boıynsha TJD-nyń qutqarýshylary jetti. Biraq, ótkeldiń buzylýy saldarynan shuǵyl qutqarý tehnıkalary Qarasý aýylyna jete almady.
Apatty jaǵdaı qalyptasqannan úsh saǵattan keıin aýyldyń barlyq 225 turǵyny aýyl orta mektebine ornalastyryldy. Olarǵa azyq-túlik jetkizilip, medıtsınalyq kómek orny uıymdastyryldy.
«Kópirdi apatty-qalpyna keltirý jumystary sý deńgeıi túskennen keıin bastalady», - dep anyqtady baspasóz qyzmetinen.
