Aqsý aýdanyna qarasty Qarasý eldi mekenin sý shaıý qaýpi áli seıilgen joq - TJM
ASTANA. Naýryzdyń 31-i. QazAqparat - Sý basý qaýpi tóngen Almaty oblysy Aqsý aýdanyna qarasty Qarasý eldi mekeni turǵyndarynyń aýyl mektebin panalaǵanyna 4 kún boldy.
Aımaqta tabıǵı apat saldaryn joıý jumystary jalǵastyrylýda.
Buǵan deıin habarlanǵandaı, naýryzdyń 27-si kúni keshqurym Aqsý ózeni men Qarasý eldi mekenine jaqyn ornalasqan kishigirim ózenderde sý deńgeıiniń kóterilýi sebepti Qarasý aýylyn sý basý qaýpi tónip, ondaǵy barlyq 225 turǵyn aýyl mektebine kóshirildi. Al Qarasý-Mataı avtojolynyń 16-shy shaqyrymynda tasqyn sý tikburyshty temir betondy kópirdi shaıyp ketti.
Tótenshe jaǵdaılar mınıstrliginen málim etkendeı, naýryzdyń 30-y keshki saǵat 21.00-degi jaǵdaı boıynsha, Qarasý-Mataı kúre joly boıyndaǵy apatty jaǵdaıdaǵy kópirdi qalpyna keltirý jumystary jalǵastyrylýda. Turǵyn aýmaqtardan aǵyndy sýdy burý jumystarymen aýyldyń 25 turǵyny men 1 tehnıka aınalysyp jatyr.
Sý deńgeıin táýlik boıy baqylaý kezegi uıymdastyryldy.
